Өлең, жыр, ақындар

Курстас достарды аңсау

  • 10.06.2019
  • 0
  • 0
  • 3227
Алматы баста мен үшін
Алатау алып асқар-ды,
Арайлы асқақ таңдармен,
Айнымас асыл достар-ды.
Сол Алатаудан бұл күнде
Бүйректе уыс тас қалды.
Сол достықтардан бұл күнде
Жүректе жетім жас қалды.
Алматы баста мен үшін
Әубәкір, Боря, Арманды,
Серікбек, Құлтеш, Жұмабай,
Қалдар боп сосын жалғанды.
Тауыса алмай алып арманды,
Атқызушы едік таңдарды,
Сол армандардың орнында
Шықпаған әзір жан қалды.
Сол Алатаудан бұл күнде
Бүйректе қалған тас қана,
Сол достықтардан бұл күнде
Жүректе қалған жас дара.
Алматыдан ба ластанған,
Адамынан ба мастанған.
Ауылдағы ақын мен түгіл,
Ат басын тартты-ау Астана...
Сендерден аңсай хат – хабар
Неше күн күттім,неше түн.
Дала-молаға жүгірмес
Қалалық бала «өсетін»...
Жұмабай, «Шалым» звондар,
Әубәкір тірі содан соң,
Жырына жалдап жан сырын,
Газеттен сәлемдесетін.
Достар-ау,елде енжармыз,
Нелер бітпеу де, не бітіп,
Сағыныштардың тек қана
Табылмайды екен емі түк ...
Алматыдағы арманды
Алатауына қосақтап,
Атырау аса көшкенде -
Кеңсайды кеткем кеңітіп ...



Пікірлер (0)

Пікір қалдырыңыз

Біздің ел

  • 0
  • 0

Қамшысының өрімі - сегіз өрім,
Қалқасының еріні - нағыз ерін.
Қобызының мұң-зары - құс қондырған,
Ұлы түгіл қыздары дұшпан қырған...

Толық

Қарой, 88

  • 0
  • 0

Жанса бүгін ерліктің арай-шамы,
Тектіліктің шырқалмас қалайша әні.
Бауырыңа батырды басып алып,
Жатырсың ба тұнжырап, "Малайсары"?!

Толық

Жалауы болған жанымның

  • 0
  • 0

Жалауы болған жанымның,
Сағындым, бәрін сағындым.
Самала желге жон төсеп,
Жатыр ма екен Нарын құм.

Толық

Қарап көріңіз