Өлең, жыр, ақындар

Сүйем сені

  • 10.06.2019
  • 0
  • 0
  • 3987
Сүйем сені, асқар таудың өр басы,
Асылғанда ай толықсып төбеңнен.
Сүйем сені, шыққан күннің шұғыласы,
Жер мен аспан қуанышқа бөленген.
Сүйем сені, жартастардың қиясы,
Күн сәулесі ойнағанда бетінде.
Сүйем сені, батқан күннің ұясы,
Алтын шапақ ойнағанда шетінде.
Сүйем сені, бұлақ суы, сылдырлап,
Таудан ағып тастан тасқа секірсең.
Сүйем сені, жасыл жапырақ, сыбдырлап,
Жасыл тоғай бұтағында теңселсең.
Сүйем сені, тамылжыған жазғы іңір,
Ескенінде хош иісті жел самал,
Мөлдіретіп меруерт шықты алуан гүл,
Тұрса балқып өмірден алып шырын бал.

1927



Пікірлер (0)

Пікір қалдырыңыз

Темір су

  • 0
  • 0

Сауықтырған сан сырқауды,
Темір сулы, темір тауды,
Нуы балқып, көл шалқыған
Саяхаттап бақша-бауды.

Толық

Жүрек үкімі

  • 0
  • 0

Балбыраған көктемде гүлдеп бақша,
Айырылысар жетті күн қыз бен жігіт.
Жігіт кетті әскерге—майдан жаққа,
Қыз оқуға "барам" деп қайтты күліп.

Толық

Кавказ аңыздары

  • 0
  • 0

Қысса мен көп оқығам дастандардан,
"Қап" деген бір тау бар деп аспандаған,
"Сиқырлы сай-саласы жын жайлаған,
Апатты қиясынан аспайды адам".

Толық