Өлең, жыр, ақындар

Жаз тезірек жетсе екен

  • 10.06.2019
  • 0
  • 0
  • 1172
Ызғары тарқап, күн жылып,
Жаз тезірек шықса екен.
Жымыңдап жұлдыз, ай күліп,
Ызғырық жерге бұқса екен.
Жапырағын жайып аққайың,
Балбырап аспан бойласа,
Серуендеп жас қыз күн сайын
Сүйгенін құшып ойнаса.
Бар арманы сол болып,
Сүйенер бір қыз қайыңға.
Сұлуға тезірек жол болып,
Түсірмей көктем уайымға.
Жетсе екен, жайнап жазғы іңір.
Ай толықсып көгінде.
Айтылса жардан жан сыбыр,
Қалдырмас күдік көңілге.
Опасын кейін көрмей ме,
Жас жүрек бассын жалынын.
Сенімін жас жар бермей ме,
Жартысын қолға ап жанының.
Шіркін, жастық жалынсың,
Шарпылмай өтер қай жүрек.
Жас жұбай жапырақ жамылсын,
Жетсе екен сол жаз тезірек.



Пікірлер (0)

Пікір қалдырыңыз

Атасу - Манақы

  • 0
  • 0

Осы аңызды оқып ем
Ертеде бір кітаптан.
Көкейге сонан тоқып ем
Кеңесім болып ұнатқан.

Толық

Жүрек үкімі

  • 0
  • 0

Балбыраған көктемде гүлдеп бақша,
Айырылысар жетті күн қыз бен жігіт.
Жігіт кетті әскерге—майдан жаққа,
Қыз оқуға "барам" деп қайтты күліп.

Толық

Қуырмаш

  • 0
  • 0

Қуыр-қуыр, қуырмаш!
Тауықтарға тары шаш:
Бас бармақ, Балаң үйрек,
Ортан терек,

Толық

Қарап көріңіз