Өлең, жыр, ақындар

Батыстан сәлем

  • 12.06.2019
  • 0
  • 0
  • 1374
Жазамын сәлем сағынып,
Зарықпа ойлап, жан ана,
Қару – жарақ тағынып —
Аттанған жалғыз мен ғана.
Емеспін елден өзгеше,
Еңіреп ойлап егілер,
Сен сияқты сан шеше —
Көзінен жасы төгілер.
Сағынып мендей ұланын,
Майданда жүрген қан кешіп,
Күн сайын түріп құлағын,
Тыным алмай бел шешіп.
Күңіренсе сондай аналар,
Көкірегін кере күрсініп,
Саған да қайғы жамылар,
Жүрегің үннен түршігіп.
Батыстан барған хатымнан,
Алыс деп анам шошынба,
Жеңісті көрем жақыннан,
Қуаныш күйі осында.
Батысқа гулеп біз жеттік,
Күл қылып үгіп қамалын,
Жау ордасын күйреттік,
Отқа қақтап заманын.
Біз батысты қиратып,
Бүлдірмейміз қаласын,
Баласын жетім жылатып
Аңыратпаймыз анасын.
Біз батыстың жаңа елін,
Жақын бауыр етеміз,
Бауыр елдің мекенін
Гүл бақшасы етеміз.
Енді батыс біздің жер,
Тойдың туы осында,
Батыстың елі біздің ел,
Алыс деп анам шошынба.
Батыс пен Шығыс арасын,
Жақындатқан жандармыз,
Батыс пен Шығыс қаласын,
Саяхатқа таңдармыз.
Той жабдығын, анажан,
Сіз де ауылда әзірле.
Хат кешіксе балаңнан
Сағынып ойлап езілме.



Пікірлер (0)

Пікір қалдырыңыз

Дәуренбекке

  • 0
  • 0

Қаудырап тоңып,
Қарбаңдап қолың,
Жер қазасың Дәуренбек.
Өзіңді зорлап,

Толық

Ленин музейінде

  • 0
  • 0

Көрген сайын көргім келіп,
Бардым Ленин музейіне.
Көрген сайын жаңа ой беріп,
Алуан өмір музейі бейне.

Толық

Жаз тезірек жетсе екен

  • 0
  • 0

Ызғары тарқап, күн жылып,
Жаз тезірек шықса екен.
Жымыңдап жұлдыз, ай күліп,
Ызғырық жерге бұқса екен.

Толық

Қарап көріңіз