Өлең, жыр, ақындар

Өлең деген тумайды жайшылықта

  • Bain
  • 26.04.2015
  • 1
  • 5
  • 40565
Өлең деген тумайды жайшылықта,
Өлең деген тулайды қайшылыңта.
Ақын болсаң жарқыным, алысқа аттан,
Күнделікті тірлікке бой суытпа.
Айшылық жол...
Шөлдейсің, зарығасың,
Армандайсың, аңсайсың, сағынасың.
Жол азабын көресің, көресің де
Ашынасың, біресе бағынасың.
Даламенен жүресің, тау асасың,
Сезесің биігін де аласасын.
Кенезең кепкенде бір, лай суға
Кез келген мақұлықпен таласасың.
Сапар ұзақ.
Тағы да аяңдайсың,
Алыпқашпаң басылып, баяулайсың.
Ел шетіне жетесің, жетесің де
Көргеніңнің бәрісін баяндайсың.
Міне, осылай өлеңнің кілті деген,
Құйттай жүйең қалмайды сілкімеген.
Аттанам деп алысқа, айдалада
Адаспайтын болғай-ды шіркін өлең.



Пікірлер (5)

Адам

Керемет оте жаксы

Ақпейіл БейсемБек

керемет олең

Адам

Күшті өлен екен

Акерке

Мұқағали Мақатаевтың Өлең деген тумайды жайшылықта өлеңі ұнады

Ех

Өте күшті өлең маған ұнады

Пікір қалдырыңыз

Мына қасқа...

  • 1
  • 3

Қор болған жылдарым-ай, күндерім-ай!
Асауға ауыздықсыз мінгенім-ай!
Мына қасқа бәрін де біле тұрып,
Мына қасқа бірін де білмеуін-ай!

Толық

Күн жылыған, жер жібіген

  • 1
  • 2

Күн жылыған, жер жібіген,
Құстар келген шақтарда,
Төрдегі өрген төрт түлікке,
Төл жамырап жатқанда,

Толық

Мен-дағы өлең жазбаймын

  • 1
  • 15

Мен-дағы өлең жазбаймын ермек үшін,
Ермек үшін, немесе өлмеу үшін.
Жазсам, жазам жырды мен, жасырмаймын,
Жаралы жүректерді емдеу үшін.

Толық

Қарап көріңіз