Өлең, жыр, ақындар

Жанарлардан тамған ән

  • 16.06.2019
  • 0
  • 0
  • 1129
(сарыны бар)

Түседі еске — шерлі өткен күн,
Желтоқсанның ызғырығы;
Білегінде жендеттердің
Оратылған қыз бұрымы!..
Тұрғанда ызғар қарып беттен,
Қардан аршып ән шығардым —
Жанарлардан тамып кеткен
Әуендерін тамшылардың.
Атар таңын көздеп еді ел,
Ұқпаса да тағдыр керең.
Қысса да аяз — кездер еді ол
Мұз бетінде ән гүлдеген.
Желтоқсанның алаңында
Соқтық қамал әппақ Ардан.
Бас көтерді — табанында
Тажалдардың жатқан Арман.
Қуат құйып ер түлекке,
Жалт ойнатып тынды ма Аспан?!
Нұр саулатып көр — түнекке
Біздер едік түндік ашқан.
Желтоқсанның жігіттері
Жұртты тағы бастай ма алдан? –
Жанардағы үміттері
Жібіді ме тасқа айналған?..
Азаттықтың алауында
Ұшқын шашса барлық үміт —
Жатсын, елім, жанарында
Желтоқсаның жаңғырығып!..
Сазымызды жалғап әр күн,
Келер ұрпақ қайымдасын:
Жанарлардан Тамған Әннің
Айтылмаған Қайырмасын!..



Пікірлер (0)

Пікір қалдырыңыз

Кеңес

  • 0
  • 0

Ырғақтап жорға тайдай, қылаң қағып,
Қарағым, қайда асықтың шығай маңып?!
Қарадың былай қалып сәлем-сауқат,
Жанарың тұлайланып —

Толық

Шайырлардың періштесі

  • 0
  • 0

"Шайырлардың періштесі болады",
Дейтін еді көне шалдар бұрынғы.
Бірақ оны көрген емен мен әлі,
Олар жазып берген емес жырымды.

Толық

Суық үрей жортып жүр

  • 0
  • 0

Суық үрей жортып жүр жер бетінде,
Ұйқыдағы үңілед елге түнде —
Сілекейлі ақсиған жұлдыз - азу,
Ай - көзі бар ақшиған келбетінде.

Толық

Қарап көріңіз