Досым

Досым,
Сыр шертесің бе,
Баяғы қайда қылық?!
Жайлаудың кең төсінде,
Шабатын тайға мініп.
Жанарға жас тұндырып,
Асауды бас білдіріп.
Сулықпен алысатын,
Құспенен жарысатын.
Беттерді сүйдіретін,
Ару Жем толқынына.
Табанды күйдіретін,
Жағаның жал құмына.
Арайлы дала таңын,
Пәктікпен ұғатынбыз.
Мама қаз балапанын,
Аулауға шығатынбыз.
Жүрегің алау жанған,
Кеттің сен алшақ менен.
Қайда сол балауса арман,
Жылқышы болсақ деген.

---