Өлең, жыр, ақындар

Мәдемі

  • 25.07.2019
  • 0
  • 0
  • 1432
Айналайын Мәдемі,
Атың қандай әдемі!
Айтулы қыз болсын деп,
Ата-анаң дәмелі.
Жайма-шуақ жаны бар,
Жарасымды сәні бар.
Аты-дағы ерекше,
Анаң сенің – Сәруар.
Анаң сені қырықта
Тапқандығын ұмытпа.
Алаулаған көңілін
Ешқашан да суытпа.
Досы бар жан ари ма?
Жалғызбын деп нали ма?
Жан құрбысы анаңның,
Ол да анаң – Арина.
Көремін деп көзіңді,
Өбемін деп өзіңді,
Алматыдан келіп тұр,
Таусып тағат-төзімді.
Күміс күлкің тарқамай,
Өсе бергін, қалқам-ай.
Көз алмайды көзіңнен
Әкең сенің Балтабай.
Ешбір мін жоқ бойыңда,
Ешбір мұң жоқ ойыңда.
Бас қосайық, Мәдемі,
Сенің әрбір тойыңда.
Атаң менен анаң бар,
Асқар таудай панаң бар.
Өсе бергін Мәдемі,
Ешнәрсе жоқ алаңдар.



Пікірлер (0)

Пікір қалдырыңыз

Сағындым

  • 0
  • 0

Балалығым, бал тілді
Ерте күнді сағындым.
Әжем айтқан сан түрлі
Етегімді сағындым.

Толық

Жұлдыздар жымың қақпаса

  • 0
  • 0

Жұлдыздар жымың қақпаса,
Жаныңа жарық жақпаса,
Түнекті түріп ақпаса,
Бір Аймен түн де түн емес.е

Толық

Гүлденген Жаңақорған

  • 0
  • 0

Қаратаудың бөктерінде,
Қанат жайып көкке өріле.
Жадыратып көңілдерді,
Жалындатып өмірлерді.

Толық

Қарап көріңіз