Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Таңғы серуен

Абдрахман Асылбек

Таңғы серуен

  • 27.07.2019
  • 0
  • 0
  • 3137
Таңертең жайланып,
Атыңа мінсең бір.
Аулыңның аймағын
Аралап жүрсең бір.
Таңды ерте атырған
Ақ селеу сақалды,
Қол бұлғап шақырған
Көресің атаңды.
Кілемін тоқыған
Шырқатып шат әнді,
Құлшынып отырған
Көресің апаңды.
Ауылдан жыраққа
Ұзаған бойда-ақ тым,
Келеді құлаққа
Үргені Мойнақтың.
Есіңнен кетер ме
Ұят іс еткенің:
Күшікті бекерге
Қалдырып кеткенің.
Содан соң Мойнаққа:
«Қуып жет,
Ер», – дейсің.
Атың тұр ойнақтап,
«Жарысып көр!» – дейсің.
Дөңгелеп маңайың,
Құйғытып шабасың.
Алтын күн арайын
Сен қарсы аласың!..

Абдрахман Асылбек серуен таң тақпақ таңғы серуен Абдрахман Асылбек өлеңдері

Пікірлер (0)

Пікір қалдырыңыз

Ерен ұл Нұрсұлтандай асқаралы

  • 0
  • 1

Ерен ұл Нұрсұлтандай асқаралы
Егемен елімізді басқарады.
Қарттары риза болып Елбасына,
Айрықша асқақтайды жастар әні.

Толық

Ұстазым

  • 0
  • 1

Ұстазым, арманымның белесі едің,
Мен бүгін өзіңменен кеңесемін.
Әдеппен «Әліппені» үйретпесең,
Әдепті адам болдым демес едім.

Толық

Уақыт

  • 0
  • 0

Жоғалған нәрсе табылар,
Ұмытқан еске алынар.
Бәрін де артқа ұзатып,
Оралмас кері уақыт.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер