Өлең, жыр, ақындар

Ботагөзім – ардағым

  • 28.07.2019
  • 0
  • 0
  • 2843
Әнін жазған Бейбіт Оралұлы

Ботаның көздерінен аумай қалған,
Көздерің төңкеріліп, аунай қалған.
Өзіңді көрген сайын тағат таппай,
Бір арман жүрегімде лаулай жанған.

Қайырмасы:
Ботагөзім – ардағым,
Тал бойыңда бар ма мін?
Арулардың ішінен
Бір өзіңді таңдадым.
Ботагөзім – ардағым,
Алтын арай таңдарым.
Әуелеген әнімді
Бір өзіңе арнадым.

Қазақтар ботам деген қымбаттысын,
Ботагөз, бота сынды сымбаттысың.
Табиғат шеберлікпен құя салған,
Қияннан көз тартады сұңғақ мүсін.

Қайырмасы.

Кезігер бір-ақ рет өмір бағы,
Көншімес оны таппай көңіл бабы.
Өтейін аялаумен сылап-сипап,
Ботагөз, ботам болшы менің-дағы.

Қайырмасы.



Пікірлер (0)

Пікір қалдырыңыз

Сен бір көктем

  • 0
  • 0

Танысуды өзіңмен
Бақытыма баладым.
Ақтарылған тезінен
Шабытыма баладым.

Толық

Аңдардың апаты

  • 0
  • 0

Бір алапат апат қысып аңдарды,
Ормандарды қаптады үн қамыққан:
Айқара есік ашылғандай тамұққа,
Өлім кезді тау мен дала, аңғарды.

Толық

Патша сұраған бақалар

  • 0
  • 0

Бақалар тым зерікті,
Өз бетімен ерікті
Жүргендерін қолайыздау көріпті.
Еркін өмір өмір ме?

Толық

Қарап көріңіз