Өлең, жыр, ақындар

Жауынгерлер жыры

  • 28.07.2019
  • 0
  • 0
  • 2996
Әнін жазған Әліби Әбдінұров

Жауынгерлер – сенімді сергек жандар,
Сабырлық пен сақтықты өрген жандар.
Отанына мызғымас қорған болып,
Ел алдында адал ант берген жандар.
Жауынгерлер тәнімен шыныққандар,
Туған елін жанымен шын ұққандар.
Түн ұйқысын төрт бөліп, тыным таппас,
Арайланып атсын деп тұнық таңдар.

Қайырмасы:
Жауынгерлер – қырандар,
Қайтпас, қайсар ұландар.
Жүрген кезде сап түзеп,
Сұлулардай сылаңдар.
Ел бірлігін жырлаған
Қасиетті ұрандар.
Жаса, жаса, ұландар,
Жауынгерлер – қырандар!

Жауынгерлер ерекше ерлегендер,
Жат пиғылға тізгінді бермегендер.
Тәтті ұйқыда жатсын деп, түн қатады,
Сәбилерін бесікте тербегендер.
Жауынгерлер тәртіпке бағынғандар,
Талапқа сай табанда табылғандар.
Елбасының Жолдауын – қолдауымен
Алға қарай арындап ағылғандар.

Қайырмасы.



Пікірлер (0)

Пікір қалдырыңыз

Тойбастар

  • 0
  • 0

Егеменді, еңселі елім барда,
Жерұйықты, жұмақты жерім барда,
Шаша берсін шашуын дарқан халқым,
Баса берсін өркендеп өмір алға.

Толық

Гүл сатушы мен жігіт

  • 0
  • 0

Қан базарда тұр жігіт
Аяқ-қолы балғадай.
Бір тынбайды бұл жігіт,
Алушысын талғамай:

Толық

Той

  • 0
  • 0

Аштық жылы жұбатпақ боп аңдарды,
Арыстан бір той жасауға қамданды.
Жіберіліп жүйрік пенен дүрлері,
Шақырылды меймандар –

Толық

Қарап көріңіз