Армандаймын

Әнін жазған Медеу Арынбаев

Кетпей қойды көптен бері,
Елесің көз алдымда.
Қызғалдақтай бөктердегі
Алауланып жандың ба?
Мені текке кінәлама,
Пәк едім ғой алдыңда.
Мазаладың,
Жазаладың,
Келмей қалдың да.
Келем дедің,
Келмей қалдың,
Айнып қалдың ба?

Қайырмасы:
Армандаймын,
Жалғыз қалғандаймын,
Ұғасың ба мені, жаным-ау?
Сен жаныма қайта келші,
Айта берші
Ғашық әнін-ау.

Жаз күніндей таңы қысқа
Уақыт тез өтер ме?
Махаббаттың әні қысқа
Деп ойлама бекерге.
Салған әнім сағыныштан
Жүрегіңе жетер ме?
Қинасаң да,
Қимасаң да,
Сенің еркіңде.
Қала берем,
Жана берем
Ғашық өртінде.

Қайырмасы.

---