Абдрахман Асылбек

Туғаннан талабымды тұлпар қылып

Бұл бетте «Туғаннан талабымды тұлпар қылып» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.07.2019
0
0
1285

Туғаннан талабымды тұлпар қылып,
Ұшырдым үмітімді сұңқар қылып.
Сұлулық, сымбаттылық атаулыға
Тәңірім қойған мені іңкәр қылып.
Сүйемін түздің кербез киігін де,
Еркелеп еркін өскен биігінде.
Аңы да табиғаттың алуан түрлі,
Бірінен бірі көркем үйірінде.
Сүйемін күмбірлеген күй үнін де,
Адамның жарасымды киімін де.
Ізгілік – іздегенім,
Дүниеде
Бәрі де жаратылған сүйінуге.
Қақым жоқ қиянаттан күйінуге,
Біреуге қастық ойлап, түйіліуге.
Алдында әсемдік пен әділдіктің
Келемін тал шыбықтай иілуде.

Абдрахман Асылбек талап туғаннан талабымды тұлпар қылып Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар