Біздің күрес

Бұл бетте «Біздің күрес» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 30.07.2019
  • 0
  • 0
  • 2136
Мынау өмір күрестерден құралған,
Күрестермен орындалған ұлы арман.
Қан төгілген топырақтан – құнардан
Қызғалдақтар бойын түзеп, бұралған.
Күреспенен өткен батыр бабалар,
Күреспенен өткен асыл ағалар.
Жеңістердің желбіреген желегі –
Бүгінгі бар бақытты ұрпақ – балалар.
Күрес, күрес көз ілместен сәтке бір,
Күрестермен тамсандырған тәтті өмір.
Талай боздақ ағып түсіп жұлдыз боп,
Қимастықпен киіп кеткен ақ кебін.
Біздің күрес ол күрестен басқалау:
Жолдар жасау, үйлер салу, тас қалау.
Мылтық атып, құс құлатса әлдекім,
Одан артық болмақ емес басқа жау.
Біздің күрес жүріп жатыр тынбастан –
Әсем әуен, үндестік пен жыр-дастан.
Самаладай сансыз қала оттары,
Төбемізде төңкерілген түнгі аспан.
Біздің күрес – жеңістерге құштарлық,
Болмақ емес онда күндеу, іштарлық.
Керенаулық, бойкүйездік, босаңдық –
Бұл дәуірде барып тұрған дұшпандық.
Біздің күрес – жүйріктік пен ерендік,
Біздің күрес – биіктік пен тереңдік.
Ер атандық, еңбекпенен елендік,
Күрестермен бақыттарға кенелдік.


Пікірлер (0)

Пікір қалдырыңыз

Жиі қойылатын сұрақтар

Біздің күрес өлеңінің авторы кім?

Абдрахман Асылбек — осы өлеңнің авторы.

Біздің күрес өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Біздің күрес өлеңі не туралы?

Бұл өлеңде Абдрахман Асылбек өз ойы мен сезімін көркем түрде жеткізеді.

Біздің күрес өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері