Өлең, жыр, ақындар

Жібек жолы

  • 01.08.2019
  • 0
  • 0
  • 2617
Менің жолым – Жібек жолы жалғасқан,
Менің жолым – жүрек жолы ән-дастан.
Жалғастырып Батыс пенен Шығысты,
Жүріп келем, жүріп келем талмастан.
Жібек жолы дарынымды дамытқан,
Тал бойыма игілікті дарытқан.
Жібек жолы – өмірімнің өткелі,
Жақсы менен жамандықты танытқан.
Сол арқылы Еуропаға жол аштым,
Жол ашқанда айқара аштым, мол аштым.
Үнін тыңдап Штраус пен Моцарттың,
Жырын ұқтым Гете, Гейне, Томастың.
Жібек жолда шәкірттерім есті боп,
Дүниенің жұмбақтарын шешті көп.
Қазағымды бір мысқал да кемітпей,
Өз тіліммен бастап келем көшті көп.
Жібек жолым жалғасады, бітпейді,
Бақытыңды болашақтан күт дейді.
Жалықпасам, жетем түбі мақсатқа,
Алтын аптап, күміспенен күптейді.



Пікірлер (0)

Пікір қалдырыңыз

Айналайын алтыным

  • 0
  • 0

Айналайын алтыным,
Есімде балғын бал күнің.
Асыл жарым – жарқыным,
Қимас қызық сол күндерде шалқыдым.

Толық

Тістің тақсіреті

  • 0
  • 0

Бірде ауырып тісімнің,
Бұзылғаны түсімнің.
Ондай дерттің не екенін
Сонда ғана түсіндім:

Толық

Орыссыз орыс мектебі

  • 0
  • 0

Естімеген елде көп,
Есек мінген пенде көп, –
Деген сөзді естігелі,
Етек жиып, ес білгелі,

Толық

Қарап көріңіз