Өлең, жыр, ақындар

Батыр баба Бауыржан

  • 02.08.2019
  • 0
  • 4
  • 13826
Бауыржандай батыры бар ел мықты,
Сондай батыр табан басқан жер мықты.
Бар әлемге қазақ атын паш етіп,
Ұрпағына мирас еткен ерлікті.
Жауларына жай оғынан от алды,
От алды да, қорғап қалды Отанды.
Сарбаздарын жеңіс күнге жеткізіп,
Халықының қаһарманы атанды.
Зор даңқымен өтіп мына өмірден,
Өшпейтұғын орын алды көңілден:
Көшелерге, мектептерге, ауылға...
Бауыржан деп, батыр аты берілген.
Бауыржан деп самал жел де осы күн,
Қас батырдың қайталайды есімін.
Бауыржан деп баласына ат қойып,
Аналар да тербетеді бесігін.
Астанада аялы аспан астында
Бой көтеріп кереметтей тас тұлға,
Мәңгі тірі Бауыржанға айналды,
Мақтаны боп кәрінің де, жастың да.
Қатар қойып, шындығына нансаңыз,
Ол – бүгінгі Қобыланды, Алпамыс.
Жалын құйған жүрегіне жастардың,
Бауыржанға бас иеміз баршамыз.



Пікірлер (4)

Бауыржан Момышұлы

Өлеңдер

Бауыржан Момышұлы

Таппақтар
Өлеңдер
Жаттаулар

Темірлан

Тема

Батыр баба Бауыржан

Әдемі

Пікір қалдырыңыз

Балбұлақ

  • 0
  • 0

Балбұлақ
Таң бұлағы,
Ән бұлағы
Жырлайды.

Толық

Қазағымның жастары

  • 0
  • 0

Қазағымның жастары,
Ашық болып аспаны,
Жалын атып жас жаны,
Қосыла берсе бастары,

Толық

Қарт пен көршісі

  • 0
  • 0

Отырғызып жүр еді
Алма ағашын шал кici.
Алқынса да жүрегі,
Келмеді дем алғысы.

Толық

Қарап көріңіз