Өлең, жыр, ақындар

Жеңешем

  • 03.08.2019
  • 0
  • 0
  • 6646
Аспанда айға теңесем,
Асыра айтты деме сен.
Өзіңнен артық жан бар ма,
Жеңешем, менің жеңешем?
Ағаның көңлін табасың,
Ананың көңлін табасың.
Бәріне бірдей иіліп,
Бәріне бірдей жағасың.
Риза қайын сіңлің де,
Риза қайын інің де.
Жібектей жұмсақ мінезің,
Жүрекке жылы үнің де.
Ұсынып қымыз, айран ба,
Барыңды бүкпей жайғанда,
Көңілің үшін көл-көсір
Риза саған мейман да.
Риза құрбы-құрдас та,
Риза сыйлы сырлас та.
Өзіңдей асыл жеңгенің
Өмірде орны бір басқа.
Жеңешем, менің жеңешем,
Жаралған жансың ең әсем.
Аспанда айға теңесем,
Асыра айтты деме сен.



Пікірлер (0)

Пікір қалдырыңыз

Қуандық пен жуантық

  • 0
  • 0

Заманада ықылым,
Жүні жоқта үкінің
Болған екен бір бала,
Май қаптаған мықынын.

Толық

Керек екен бір болу

  • 0
  • 0

Айналайын, алтыным,
Сенсіз өткен әр күнім
Жыл секілді созылып,
Соға берді салқынын.

Толық

Алфавитті танып ал

  • 0
  • 0

Әр әріпті танып ал,
Сөйлеп кетсе, жаны бар.
«Әліппенің» тұтқасы –
Алфавитті танып ал.

Толық

Қарап көріңіз