Өлең, жыр, ақындар

Тойда

  • 05.08.2019
  • 0
  • 0
  • 1071
Бәріміз бір тойда болдық,
Бәріміз бір ойда болдық:
Бақыт тілеп жұбайларға,
Балқыған бір бойда болдық.
Шалқып жатты шарап деген
Шарпып жатты канатты өлең.
Бір жігіттің бауырында
Сен отырдың қарап төмен.
Ай мен күнді балап саған,
Меп отырдым қарап саған.
Бірте-бірте тәнге тарап,
Жел беріпті шарап маған.
Ұяңдығым ұмытылды,
Елемедім жігітіңді.
Батыл барып билеп кеттім,
Жалау етіп үмітімді.
Көп биледім сол күні мен
Әсем вальс толқынымен.
Есің шығып кетті білем
Емен еден солқылымен.
Шарапты да еселедік,
Шалқып бимен есе бердік.
Өзге мұңын ойламаған,
Не деген біз есер едік?
Бір түнді артық бағалаппыз,
Басқаларға қарамаппыз.
Екеуіміз екі жанның
От жүрегін жаралаппыз.
Бәріміз бір тойда болдық,
Балқыған бір бойда болдық.
Бірақ, кейін төртеуіміз
Төрт бөлінген ойда болдық.



Пікірлер (0)

Пікір қалдырыңыз

Үш әйелді еркек

  • 0
  • 0

Әйтеуір бір күнәкар
Әйелден соң тағы екі әйел алыпты.
Бұл жайында Патша естіп қалыпты
(Қатал Патша қайтіп оны ұнатар?

Толық

Ауыл көріністері

  • 0
  • 0

Нұрландырып өңірді,
Алтын арай төгілді.
Шаруалар шып-ширақ
Шықты тысқа көңілді.

Толық

Аңшы

  • 0
  • 0

Ертіп алып күшігін,
Киіп алып ішігін,
Інім кетті орманға,
Аң көп дейді ол маңда.

Толық

Қарап көріңіз