Өлең, жыр, ақындар

Көкбұлақтың қойнауы

  • 05.08.2019
  • 0
  • 0
  • 1099
Көкбұлақтың қойнауы
Жерұйықты жер екен.
Таусылмайтын тойлауы,
Тамашалы ел екен.
Сұлулықтың бұл жаққа
Мол еншісі тиіпті-ау.
Терең өзек бір жақта,
Бір жағында биік тау.
Сылқ-сылқ күліп, дөп құлап,
Ағып жатыр мың бұлақ.
Бір жағында –Көкбұлақ.
Бір жағында Шыңбұлақ.
Күй боп енер сезімге
Көл жағалай көгарыш.
Мұндай жердің өзінде
Еңбек ету – демалыс.
Түндері тым тамаша,
Тартатұғын сыйы көп.
Аспаны да аласа,
Жұлдызы да жиірек.
Тамылжыған таң әне,
Шұғылалы, арайлы.
Оңтүстіктің самалы
Тәніңе от боп тарайды.
Көрсең мейір қанатын
Қос бұлақтың етегі –
Кеңге жайған қанатын
Әнші ауылдың мекені.
Қыз, жігіті жиылып,
Шыққан кезде ән салып.
Асау жүрек жиі ұрып,
Танданасың тамсанып.
Жұпар сепкен ертемен
Өзен бойы жалбыздар.
Өзегіңді өртеген
Құралай көз балдыздар.
Қыз алдында қысылып,
Отырмауды жөн көрер,
Кәусар қымыз ұсынып,
Жымыңдайды жеңгелер.
Көңілін тауып атаның,
Күймен айтсаң мырзалық.
Сипай қойып сақалын,
Білдіреді ырзалық.
Көкбұлақтың керемет
Табиғатын қиялдай,
Аз күн болып, не керек,
Кетіп барам қия алмай.



Пікірлер (0)

Пікір қалдырыңыз

Күшік пен мойнақ

  • 0
  • 0

Қорада Мойнақ жақсы өмір сүрді,
Жан көрсе бөтен, арсылдап үрді.
Ісіне берік, кісіге сақ деп,
Басқа иттер оны мақтасып жүрді.

Толық

Әнші

  • 0
  • 0

Тұрып алаң-елеңде,
Болат басты ыңылға.
Әлде, жаңа өлең бе?
Түсінбедік шынында.

Толық

Берсеңдерші бір хабар

  • 0
  • 0

Толқыны тербеп тағдырдын,
Шағала болдым шалғайда.
Жаныма жақын жан құрбым,
Шалқытып салар ән қайда?

Толық

Қарап көріңіз