Өлең, жыр, ақындар

Жасқанып жүрмін баруға...

  • 03.11.2021
  • 0
  • 0
  • 897
(Мұса Асайыновқа)

Естілді хабар
Қайғыға терең салуға,
Отырмын даяр
От болып лаулап жануға.
Жалғызтауда жоқ дейді жалғыз бауырым,
Ауыл жаққа жасқанып жүрмін баруға.
Ақиық еді
Қаймықпай кірер дауылға,
Құлагер еді
Жаралған оза шабуға.
Айыртауда жоқ дейді ақын бауырым,
Ауыл жаққа бата алмай жүрмін баруға.
Үзбеуші ем үміт
Сенгендей қолда қаруға,
Барушы ем аңсап
Ән­күйден сабақ алуға.
Сексен көлде жоқ дейді жалғыз бауырым,
Ауыл жаққа сескеніп жүрмін баруға.
Жүйрік қой тағдыр
Аяқтан оқыс шалуға,
Күтпеген жерде
Жақсыны таңдап алуға.
Көкшетауда жоқ дейді кербез бауырым,
Ауыл жаққа қиналып жүрмін баруға.

1976



Пікірлер (0)

Пікір қалдырыңыз

Саңқылдап аққу қаптаған

  • 0
  • 0

Саңқылдап аққу қаптаған,
Саялы көлге ынтығам.
Жанымды әні аптаған,
Басылып мұңым, құлпырам.

Толық

Кеңгірдегі кездесу

  • 0
  • 0

Кеңгірдегі кездесу
Ұлытау бірге, ел бірге,
Шақырып ұлым, жиналдық.
Кәкімбек Салықов

Толық

Көрмей жүріп сүйгендер

  • 0
  • 0

Көкірегіңе көп қуаныш түйіпсің,
Ашылу аз, жабығу көп тұйықсың.
Тірліктегі бір ғажайып сол шығар,
Көрмей жүріп, көргендей боп сүйіпсің.

Толық

Қарап көріңіз