Өлең, жыр, ақындар

Қос жүректің мекені

  • 03.11.2021
  • 0
  • 0
  • 658
Шоқан басқан асыл ізден нәр алдым,
Ақан сері әнін жаттап таралдым.
Құлагер жортқан құба жонда ізі бар,
Аққулы елде, «Гәккулі» елде жаралдым.
Тағдыр қосты дос­жаранның тәуірін,
Тыңдай білдім құстар үнін, тау үнін.
Қыздары әнші, ұлдары ақын, сауықшыл,
Жайлап өстім Үкілі Ыбырай ауылын.
Сол ауылда жаздым тұңғыш өлеңді,
Жас жүрекке желіктіргіш жел енді.
Сол ауылдың әнші қызы үйретті
Жер бетінде махаббат бар дегенді.
Қаныш жүрген құт әкелді Жезқазған,
Кенші болдым, өлең де көп мен жазған.
Араладым Ұлытауды, Қоскөлді,
Тыныс алып отты күннен кен қазған.
О, кең дала!
Сен қандырдың құмарды!
Бауыр бастым көк сағымға мұнарлы.
Серпіп қалған қабағында көп сыр бар,
Сонда көрдім адасып жүрген ұларды.
Тез құлаймын ес білгелі ғажапқа,
Сұлу көрсем, шын сұқтанбау азап та.
Мөлдірген қара көзі таңдантып,
«Жезкиік» боп сыр ақтардым қазаққа.
Көзден көшкен сол елестер желбіреп,
Жалғасады киік­дала, кең жүрек.
Көкшелетіп Ұлытауға бір соқсам,
Сауығамын сағыныштар селдіреп.



Пікірлер (0)

Пікір қалдырыңыз

Сәкен Сейфуллинге ода

  • 0
  • 0

Сәкен Сейфуллинге ода
Кей ақынды тым көтерсек заңғар қып,
Бір өлеңін ел білмесін аңғардық.
Кәкімбек Салықов

Толық

Тойдың тойы – асыл той

  • 0
  • 0

Сұлтан ағам дәл сексенге келгенде,
Тойдың тойы жетті Құдай бергенге:
Төлегеннің Қыз Жібегі секілді
Жетпіс бесті игеріпті жеңгем де.

Толық

Махамбет

  • 0
  • 0

Махамбет асқақ тұлға зеңгір қиян.
Ісі – ерлік, өзі жалын, сөзі – ұран.
Жан-жақтан,
Кәкімбек Салықов

Толық

Қарап көріңіз