Өлең, жыр, ақындар

Барлық мадақ Аллаға

  • 07.08.2019
  • 0
  • 0
  • 3923
Иесі бар ғаламның,
Барлық мадақ Аллаға.
Алла деген адамның
Серігі иман қайда да.
Алла деген адамды
Алла дәйім жақтайды.
Көрсе-дағы жамандық,
Алла одан сақтайды.
Етсе де кім арамдық,
Алла одан ақтайды.
Алла деген адамды
Қауым болып мақтайды.
Ақ адамға қараулық
Күйесін еш жақпайды.
Аз жарақат жамандық
Тәнге дақ боп қатпайды.
Жасаған жан жамандық
Өзі опа таппайды.
Тіршілігін тәмам қып,
О дүниеге аттайды.
Жамандауға арамда
Тіл-ауызым батпайды.
Ондай арам адамды
Қоғам болып соттайды.
Кім жаны ашып жоқтайды?
Дей көрмегін тіршілік
Осылайша тоқтайды.
Бәйтерекке бүр шығып,
Өмір алға аттайды.
Алла деген ар болмас,
Ақыретте қор болмас.
Алланы ұмытқан адамның
Еш тілегі оң болмас.
Алла деген адамның
Серігі иман қайда да.
Иесі бар ғаламның,
Барлық мадақ Аллаға.



Пікірлер (0)

Пікір қалдырыңыз

Керік

  • 0
  • 0

Білемісің керікті?
Ол – кәдімгі жираф қой.
Табиғат мол беріпті,
Мойын менен сирақ, бой.

Толық

Бұлақ

  • 0
  • 0

Бұлаққа айтты малшы жапа шеккенін,
Қайғы-мұңын, басқа түскен күйікті:
Қозысының сүйікті
Өзенге ағып кеткенін.

Толық

Жаңақорған

  • 0
  • 0

Қаратаудың бөктерінде
Қанат жайған көкке өріле,
Жадыратып көңілдерді,
Жалындатып өмірлерді,

Толық

Қарап көріңіз