Маймыл мен көзілдірік

Қарт Маймылдың тартты көзі көмескі,
Ұқты жұрттан кеңесті.
Ол дегенің онша қауіп емес-ті:
Көзілдірік керегі,
Сатып алды, қымбат екен демеді.
Айналдырды көп тегі:
Бір сипалап, құйрығына қадады,
Бір иіскеп, бір жалады,
Көзілдірік, бірақ, әсер етпеді.
«Тфу! – деді – Ақымақ-ау өзі де,
Сенген жұрттың сөзіне:
Әйнек жайлы жалған айтқан қас қылып,
Бұдан титтей пайда жоқ».
Содан кейін көздеріне жас тұнып,
Көзәйнекті айда кеп,
Талқан етті тасқа ұрып.
* * *
Бұл секілді адамдар да болады:
Парқын білмей, кейбір затты бағалы,
Өз парқынша пайдасыз деп ойлайды;
Надан болса шамалы,
Көзін құртпай қоймайды.

---