Өлең, жыр, ақындар

Түлкі мен суыр

  • 08.08.2019
  • 0
  • 0
  • 2630
«Неге сонша жан ұшырдың, қарағым?» –
Деп сұрады Суырың.
Деді Түлкі: «Құрыдым!
Қашып барам құрбаны боп жаланың.
Білесің ғой, Тауықтарға сот болды,
Содан маза, денсаулық та жоқ болды.
Тойып ішпей тамақты,
Ұйқысыз көп таң атты:
Сол үшін де мені қулар қаматты.
Ойлап көрші, жалған оның бәрі де,
Жалған сөзге құлақ салу әділ ме?
Пара алам ба? Мүмкін емес ол мүлде,
Айта қойшы, қылмысымды көрдің бе?
Жіті ойлап, есіңе алшы анығын,
Жайым бар ма қылмысқа бір дөп келген?»
«Құдағи-ау, тұмсығыңнан көп көргем
Тауықтардың мамығын».
* * *
Кейбіреулер күрсінумен жүреді,
Кедейленген, жоқ секілді тірегі.
Тіпті, оны бүткіл қала біледі,
Көрінгенмен онша емес күтімі,
Жұбайы да жұпыны;
Қарап көрсең шамалы,
Жер де сатып, үй де салып алады.
Қанша қылмыс жасағанмен ол күнде,
Есептеліп жатпайды ғой бәрі оның.
Сотың-дағы айта алмайды дәлелін:
Тұмсығыңнан Тауық жүнін көрдім деп.



Пікірлер (0)

Пікір қалдырыңыз

Менің анықтамам

  • 0
  • 0

Кісінің аттамаған ала жібін,
Момақан Ұлы жүздң баласымын.
Тарайтын төрт арысты Ошақтыдан
Тасжүрек – Сейіт ата саласымын.

Толық

Отаным – Қазақстан

  • 0
  • 1

Отаным – Қазақстан, кең мекенім,
Білемін бар бақытым сенде екенін.
Ыстық маған құшағың,
Мен өзіңде ержетемін.

Толық

Ініме

  • 0
  • 0

Братишка – інім, тентексің,
Өйткені, сен еркексің.
Кейде тілді алмайсың,
Өтірік айтып, алдайсың.

Толық

Қарап көріңіз