Өлең, жыр, ақындар

Емен түбіндегі шошқа

  • 08.08.2019
  • 0
  • 0
  • 1847
Шошқа Еменнің түбінде
Жаңғағын жеп, тойып алды асқа бір.
Тынығып ап ұйқылы-ояу күйінде,
Көзін ашып қасқа бұл,
Тұмсығымен Еменнің түбін қаза бастады.
«Тиер түбі зардабы, –
Деді Қарға талдағы, –
Ағаш қурап қалмай ма, ашылған соң тамыры?»
«Мейлі, – деді Шошқа оған, –
Менің үшін бәрібір,
Қиналмаймын босқа оған.
Мәңгі қурап қалса да, түспес маған салмағы,
Семіремін соны жеп, болса болды жаңғағы».
«Жақсылықты білмейтін сұм! – деді Емен, –
Жоғарыға көз тастасаң, шерменде,
Жаңғақтардың сен менде
Өсетінін көрер ең».
* * *
Кейбір надан жырынды
Сөгер білім-ғылымды.
Сол ғылымның жемісін
Жеп жатса да, түсінбейді оны шын.



Пікірлер (0)

Пікір қалдырыңыз

Тиін

  • 0
  • 0

Бай үйінде әшекейлеп ойылған,
Терезеге қойылған
Шығырдағы Тиінға
Таңдана жұрт қарады үлкен жиында.

Толық

Қазағымның жастары

  • 0
  • 0

Қазағымның жастары,
Ашық болып аспаны,
Жалын атып жас жаны,
Қосыла берсе бастары,

Толық

Менің анықтамам

  • 0
  • 0

Кісінің аттамаған ала жібін,
Момақан Ұлы жүздң баласымын.
Тарайтын төрт арысты Ошақтыдан
Тасжүрек – Сейіт ата саласымын.

Толық

Қарап көріңіз