Абдрахман Асылбек

Мен кіммін?

Бұл бетте «Мен кіммін?» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

21.08.2019
0
0
2954

Арамдарға мен араммын,
Сараңдарға мен сараңмын.
Жамандарға мен жаманмын,
Өйткені, мен де
Жер басып жүрген адаммын.
(К.АЙТОЛҚЫН. Бозбала мен бойжеткен. 49-бет)
Жақсыларға жақсымын,
Бақсыларға бақсымын,
Тапшыларға тапшымын
Өйткені, мен де
Адаммын ғой, тап шыным.
Ғалымдарға ғалыммын,
Дарындарға дарынмын,
Залымдарға залыммын.
Өйткені, мен де
Біреуіңмін бәріңнің.
Тектілерге тектімін,
Ептілерге ептімін,
Кектілерге кектімін.
Өйткені, менің
Өздеріңсіз жоқ күнім.
Батырларға батырмын,
Жақындарға жақынмын,
Пақырларға пақырмын.
Өйткені, мен бір
Жыры жұмбақ ақынмын.

Абдрахман Асылбек пародия мен кіммін? Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар