Өлең, жыр, ақындар

Қылықты қыз

  • 23.08.2019
  • 0
  • 0
  • 2952
Жалт-жұлт етіп жүрісің-ай,
Күншуақтай күлісің-ай.
Сылдыраған бөктердегі
Ерке бұлақ үнісің-ай.
Айдың әппақ нұрысың-ай,
Қырдың қызыл гүлісің-ай.
Жан тербеген қылығыңмен,
Жігіттердің пірісің-ай.

Қайырмасы:
Ей, қылықты қыз, қылықты қыз,
Желіктірген жігітті, қыз.
Сендей сылқым сымбаттыдан
Бәріміз де үміттіміз.
Көрген күннен, қалқатай-ау,
Жүректерді жібіттіңіз.
Ақылы сай ажарына,
Махаббаттың базарына
Қандай ана туыпты қыз?
Ей, қылықты қыз, қылықты қыз.
Бал қаймақтай кілкілдеген,
Тал шыбықтай шіркін денең.
Басқан ізің білінбейді
Боз жорғадай бүлкілдеген.
Жайнап тұрған бір гүл дер ем,
Сайрап тұрған бұлбұл дер ем.
Жігіттерді жаутаңдатып,
Арбайсың наз күлкіңменен.

Қайырмасы:
Ей, қылықты қыз, қылықты қыз,
Жүректерді жылыттыңыз.
Сөйте тұра сыпайылық,
Инабатты ұмыттыңыз.
Кергімеші, қалқатай-ау,
«Шаруаңыз шығып тығыз».
Жақұт тастай бір жалт етші,
Туған айдай бір жарқ етші,
Сырып тастап бұлытты, қыз.
Қанбасақ та шырыныңа,
Алмасақ та сыр ұғына,
Бас иеміз бәріміз де
Кереметтей қылығыңа.
Теңеп тұма тұнығына,
Таңданамыз қылығыңа.
Қай жігітті, қалқатай-ау,
Түсіресің құрығыңа?

Қайырмасы.



Пікірлер (0)

Пікір қалдырыңыз

Мінез

  • 0
  • 0

Сендім бе екен біреуге – сенем мықтап,
Ердім бе екен біреуге – ерем мықтап.
Әсте, екі сөйлеуім мүмкін емес,
Сенімімді селт етпей өлем құптап.

Толық

Бабамыз батыр Саңырық

  • 0
  • 0

Қаралы күндер жамылып,
Тұрғанда елім тарығып,
Қоңыраулы найза қолға алып,
Аттанған жауға Саңырық.

Толық

Отардағы от

  • 0
  • 0

Батуға да
Таяп қалды күміс күн.
Түн жақындап,
Салқын жапты құм үстін.

Толық

Қарап көріңіз