Өлең, жыр, ақындар

Кереғар құрбылар

  • 25.08.2019
  • 0
  • 0
  • 1646
Күнге күйіп қақтала,
Қой бағып жүр Ақбала.
Мода қуып сәнді бір,
Қалада жүр Сәндігүл.
Ақбаланың ойында –
Сан артса екен қойында.
Сәндігүлдің ойында –
Сән артса екен бойында.
Ақбаланың ойында –
Қоң артса екен қойында.
Сәндігүлдің ойында –
Қой сойылса тойында.
Ақбаланың ойында –
Жүн артса екен қойында.
Сәндігүлдің ойында –
Шәлі ораса мойынға.
Ақбала ақтап үмітті,
Тапсырады түбітті.
Сәндігүл сол түбітті
Кім бергенін ұмытты.
Кофта киіп түбіттен,
Қыдырады жігітпен.
Міне, осылай құрбылар,
Кереғар боп жүр бұлар.
Бірі күн-түн мал баққан,
Бірі сылқым сән баққан.



Пікірлер (0)

Пікір қалдырыңыз

Таңым тамаша

  • 0
  • 0

Тамылжыған табиғат
Ұйқысынан оянып,
Алтын нұрмен әр үй, бақ
Шыға келді боянып.

Толық

Саңырық

  • 0
  • 0

Ошақты Тасжүректің Сейітінен,
Танисың Саңырықты кейіпінен.
Ерекше батырлық пен мергендігін
Айтады аңыз етіп кеңітіп ел.

Толық

Өмірге бересің бар, аласың бар

  • 0
  • 0

Өмірге бересің бар, аласың бар,
Сол үшін талпыныңдар, таласыңдар.
Бәрі де уақытпан өлшенеді,
Пенделер, сағатпенен санасыңдар.

Толық

Қарап көріңіз