Абдрахман Асылбек

Кашпировскийден кейін

Бұл бетте «Кашпировскийден кейін» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.08.2019
0
0
858

Теледидардан көріп,
Кашпировскийге сеніп,
Жетпістегі Қасым
Әппақ қудай шашын
Қараяды деп бекініп еді,
Үш мәрте отырып еді.
Алдына алып шарайнаны,
Қарағанмен қараймады.
Төртінші рет абайлады,
Шашы тағы қараймады.
Содан кейін айлаға көшті,
Айласы пайдаға көшті.
Барды да жақын қалаға,
Боятып шашын қараға,
Сөздерімен жаттанды
Достарына мақтанды:
«Кашпировский құдірет,
Көргеннен кейін бір рет,
Қарайтты түгел шашымды,
Демікпем де басылды...».
* * *
Қасым сөйтіп бөсіп жүр.
Басқа шалдар таңданып:
«Рақымы Алланың
Қасымға-ақ түскен», – десіп жүр.

Абдрахман Асылбек кашпировскийден кейін Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар