Өлең, жыр, ақындар

Қос көгершін

  • 25.08.2019
  • 0
  • 0
  • 1576
Көңілдері қуанышқа тола тым,
Жарасымды қос Көгершін болатын.
Жалғызілік кәрі кемпір үйінің
Терезесі алдына кеп қонатын.
Терезсін әжей тездеп ашатын,
Ашатын да, оларға жем шашатын.
Тастап кеткен ұл мен қызы келгендей,
Кемпір солай мауқын біраз басатын.
Әжей бүгін терезесін ашпады,
Ашпады да, жемін-дағы шашпады.
Қайда кеткен? Көрінбеді қамқоршы,
Күңгірт тартты Көгершіндер аспаны.
Үш күн болды қарындары ашқалы,
Әжей тіпті терезесін ашпады.
Бауыр басып қалған жерден кете алмай,
Көгершіндер талмаусырай бастады.
Жұбын жазбай келетұғын жиі ұшып,
Отыратын тұмсықтары түйісіп.
Көгершіндер терезенің алдында
Қатып қалды сол қалпында сүйісіп.
Әңгіменің алыс емес дәл шыны,
Жатқан жұмбақ әр адамның жан сыры.
Үш күн бұрын сексендегі сол кемпір
Аштан өлген болмай ешбір талшығы.



Пікірлер (0)

Пікір қалдырыңыз

Үйленіңдер, жігіттер!

  • 0
  • 0

«Осы өмірге лайық отты жағып,
Келеді, әне, екі жас топты жарып.
Кәрісі мен ауылдың жасы мұнда,
Жас келінді көруге асығуда».

Толық

Жақындаған ақырзаман

  • 0
  • 0

Айтыпты бір ақылды адам:
«Жер астынан кеніш түгел
Шыққан кезде жер үстіне,
Болады, – деп, – ақырзаман».

Толық

Қалағанда үй тасын

  • 0
  • 0

Қалағанда үй тасын,
Таба алмасаң ұйқасым,
Өнеріңмен өзгені
Қалай ғана ұйытасың?

Толық

Қарап көріңіз