Өлең, жыр, ақындар

Қайта құрылған команда

  • 25.08.2019
  • 0
  • 0
  • 1616
Барлық жерде қызу іс жүріп жатыр:
«Қайта құрып» жатыр.
Футбол командасы «Жігердің»
Басшылары бірер күн
Ойланып та толғанып,
Мәселені қойды анық:
«Неге қарап тұрамыз?
Команданы біз де қайта құрамыз,
Сонда ғана алғы орынға шығамыз».
Қорғушы бесеу еді,
Екеу болды.
Шабуылшы екеу еді,
Бесеу болды.
Жартылай қорғаушылар –
Екі жақты да қолдаушылар
Деп есептеліп,
Кейінгілерге кезек келіп,
Бұрынғылар «запасқа» кетті,
Яғни, қапасқа кетті.
Бес-алты ойыншы сырттан алынып,
Осы дұрыс деп танылып,
Жаттықтырушы кейінгі.
Кіріп ойын ішіне,
Кетті ойыншы бейімді
Жаттықтыру ісіне...
Қақпашы шабуылға бой ұрды,
Шабуылшы қақпаға қойылды,
Бастамақ енді ойынды.
* * *
Қайта құру дегенді
Осылай ұққан табанда
«Жігер» атты команда,
Жақсы ма, әлде жаман ба,
Шықпақ енді алаңға,
Әділін айтсын ел енді.



Пікірлер (0)

Пікір қалдырыңыз

Арыстан мен тышқан

  • 0
  • 0

Арыстаннан Тышқан жайлап сұрады,
Жақынырақ қонса екен деп тұрағы.
Және айтты: «Тұрғанда ну орманда,
Атақ, даңқың кем емес,

Толық

Көне күмбез түбінде

  • 0
  • 0

Көлі бар Қамқалының* мөлдіреген,
Құрағы жағасында желбіреген.
Иса ақын жырлап кеткен ертеректе,
Тарихы Құралайдың мол бір өлең.

Толық

Ит пен ат

  • 0
  • 0

Жүретұғын Шаруаның үйінде
Ит Атпенен сөйлесті тар пейілмен:
«Міне, – деді ол, – қожамыз зор күйінде,
Маған қарап, қуса еді ғой сені үйден.

Толық

Қарап көріңіз

Басқа да жазбалар