Өлең, жыр, ақындар

Саудагүлдің саудасы

  • 27.08.2019
  • 0
  • 0
  • 2016
Біреулер кітап өтпейді дейді,
Біреулер кітап жетпейді дейді.
Өтпейді де емес,
Жетпейді де емес,
Дүкеншілер кітаптан шеттейді,
Дұрыс еңбек етпейді.
Саудагүлдің айласын көрмейсің бе?
Әділ баға бермейсің бе?
Біреу келіп: «Шәй», – дейді,
Саудагүл: «Қолыңды жай», – дейді.
Анау қолын тосып береді.
Саудагүл көп ойланып жатпайды,
Аларманды жата кеп мақтайды,
Сөйтіп, бір шәйға бір кітап қосып береді.
Анау келіп: «Маған май», – дейді,
Мынау: «Бұл – майға пай», – дейді,
Керек болмаса, тай», – дейді.
Аларман амалсыз алып кетеді,
Пайын да салып кетеді,
(Мүмкін, бір жерде қалып кетеді).
Ал, арақты атама,
Оған ауыз бата ма?
Кітап тегі жата ма?
Бір шыныға бесеуін,
(Тіпті нешеуін)
Қосып берсе де қың демейді,
Мынауың мін демейді.
Сауда жүріп жатады,
Саудагүл миығынан күліп жатады.
Оған бәрібір:
Елге керегі шәй ма?
Кітап па, әлде май ма?
Әйтеуір түсу керек пайда,
Ойланайықшы, кәне, бір.
* * *
Жазушылар жүректің сөзін тапса,
Саудагүл сауданың көзін табар.
Алушылар кітаптан безіп жатса,
Кітап жазушының өзін табар.



Пікірлер (0)

Пікір қалдырыңыз

Арманым

  • 0
  • 0

Асығыс алаңдатқан арманым көп,
Алаулап әлі күнге жанғаным жоқ.
Үміттер жетелейді үнемі алға,
Арайлап ататұғын таңдарым боп.

Толық

Құдайсыздар

  • 0
  • 0

Ертеректе өтсе керек бір заман,
Бопты халық танымаған Тәңірін,
Қарсы тұрып, тыңдамаған әмірін.
Тентек тобыр тулар ұстап мыңдаған,

Толық

Көмек

  • 0
  • 0

Колхоздың сырдаң жастары,
Қосылмас тіпті бастары:
Біреуі қашса далаға,
Кетеді бірі қалаға.

Толық

Қарап көріңіз