Өлең, жыр, ақындар

Ырым

  • 27.08.2019
  • 0
  • 0
  • 1039
Бұл әңгіме бұрын болған,
Бұрын болғанда – ұрын болған.
Ұл таппаған әйелдерге
Еркектер қырын болған.
«Бедеулердің» жегені желім,
Ішкені ірің болған.
Отбасында береке жоқ,
Ырың мен жырың болған.
Ұл керек дегендерге
Не болса сол ырым болған.
Мәселен, біреулер қыз табады,
Біреулер ұл табады.
Ұл тапқанда қатарынан
Бірнеше жыл табады.
Ондай әйел күйеуінің
Киген ғой күнқағарын.
Оны киген келіншектер
Дейді екен ұл табады.
Тіпті, оның етігі түгіл,
Қат екен ұлтарағы...
Ондай еркек ерке болған,
«Қой бастаған серке» болған.
Тумаған әйелдердің
Үйлерін шерте қонған.
Қонақтан-қонаққа барып,
Өзі әбден бөрте болған,
Бөркі де төрде болған,
Қол жетпес жерде болған.
Жағасы жаялық та,
Көйлегі көрпе болған.
Етегін кесе-кесе,
Шапаны келте болған...



Пікірлер (0)

Пікір қалдырыңыз

Дарақылық

  • 0
  • 0

«Бір тәттінің бір ащысы бар,
Бір тоқтықтың бір аштығы бар» –
Деген екен бабаларымыз,
Ақылы кен даналарымыз.

Толық

Ақ бата

  • 0
  • 0

Иә, Алла, бере гөр,
Береке, байлық төге гөр.
О, халайық, көре бер,
Бергенін Алла алмасын,

Толық

Сыншы мен сыпырғы

  • 0
  • 0

Отырып Сыншы моншада
Сыпырғыменен сырласты:
– Өлеңі нашар болса да,
Сынармын қалай құрдасты?

Толық

Қарап көріңіз