Өлең, жыр, ақындар

Сырашыл сарбаз

  • 27.08.2019
  • 0
  • 0
  • 1606
Сабазың сыра сатты,
Сатқанда қыра сатты.
Білегін түре сатты,
Көбігін үре сатты.
Нағыз нахал болды,
Құйғаны жарты бокал болды.
Одан түскен пайдасы
Аптада атан болды.
Сабазың дәнігіп алды,
Ел сыңайына кәнігіп алды.
Өкіметке ақша өткізсе,
Өзіне жарамы қалды.
Араны ашыла түсті,
Ақшаны жасыра түсті.
Көбікті қанағат етпей,
Араны ашыла түсті.
Сабазың шын көсілді,
Сыраға су қосылды.
Көпшілік елемеді
Арамза жылпосыңды.
Сыраның дәмі кетті,
Әсерлі әлі кетті.
Сабазың селт етпестен,
Одан да әрі кетті.
Көпірте түсуі үшін,
Лепірте ішуі үшін,
Қуаты күшті екен деп,
Кекіре құсуы үшін,
Сыраға тоспа бөтен –
Ұнтақтан қосқан екен.
Тойымсыз сол сабазды
Темір тор тосқан екен.



Пікірлер (0)

Пікір қалдырыңыз

Қоштасу

  • 0
  • 0

Шалғайдағы Шушадан
Қамданды Ильич қайтуға.
Жиналар ма мұнша адам,
Жақсы тілек айтуға.

Толық

Оқушы мен кітап

  • 0
  • 0

Ақыл-ойдың иeci,
Бар ғалымның жүйесі,
Қуанышы көңілдің,
Баспалдағы өмірдің,

Толық

Жарлы бай

  • 0
  • 0

«Бай болу не күйлі аса,
Ішіп-жеуге өзіне-өзі қимаса,
Ақшаны тек жинаса?
Өлгеннен соң бәрі қалар артында,

Толық

Қарап көріңіз

Басқа да жазбалар