Өлең, жыр, ақындар

Мен өлсем...

  • 28.08.2019
  • 0
  • 0
  • 3331
(Лесбай Оспановқа)

Мен өлсем, жамағаттар, жиналмаңдар,
Мен үшін уақытша қиналмаңдар.
Біреулер жыламсырап сөз сөйлесе,
Егіліп тұр екен деп иланбаңдар.
Сөйлесе сөйлер көбі тек өтірік,
Қаншама кемісімді көре тұрып.
Тура би Төле бидей тіліп түсер
Тура сөз кім айтады кең отырып?
Өліп ем, жиналдыңдар бір-ақ күнде,
Жабығар жұбайым да жылап түнде.
Қырқымды өткізгенде-ақ үғарсыңдар,
Айнымас жүрек кімде, тұрақ кімде?
Өлді деп бос қайғырып не етесіңдер?
Ертең-ақ тез ұмытып кетесіңдер.
Қаншама паң болсаң да, хан болсаң да,
Өмірден өздерің де өтесіңдер.
Қайтейін, тіршілікті қимай барам,
Мекенім енді мәңгі – мидай далам.
Біреуге бір жақсылық жасай білсем,
Сыйласа, сол-ақ үшін сыйлайды адам.
Мен үшін жиналмаңдар өре тұрып,
Лепіртіп мақтамаңдаңдар тек өтірік.
Тап ертең өздерің де өлесіңдер,
Қимастай бір пендені көме тұрып.



Пікірлер (0)

Пікір қалдырыңыз

Айсұлу

  • 0
  • 0

Айсұлу,
Айдай сұлу ақ реңді,
Күніне қырық құбылған лағыл өңді.
Сырнайдай сыңғырлаған үніңді естіп,

Толық

Кредит

  • 0
  • 0

Елеңдетіп өзгелерді,
Кредит сөзге келді:
Мені жұрт «Кредит» дейді,
Кредиттің айтылар аты нағыз

Толық

Шындық

  • 0
  • 0

Осы біз шындықты айтсақ өлеміз бе?
Орынсыз мақтанамыз келеміз де.
Бір жерде бір сөзіміз өте қалса,
Көзіміз шыға келер төбемізге.

Толық

Қарап көріңіз