Өлең, жыр, ақындар

Өмірге онда келмеген

  • 28.08.2019
  • 0
  • 0
  • 1127
Шайтан көл жатыр еркелеп,
Еркелеп самал еседі.
Бір кезде осы өлкеде
Топан су болған деседі.
Топан су тынбай селдеген.
Қиялға бір сәт ерік бер:
Өмірге онда келмеген
Аманхан менен Серіктер...
(С.АҚСҰҢҚАРҰЛЫ. Жиырмасыншы ғасырдың жиырма сәті. «Жалын», 1984 ж. 37-бет)

Шайтанкөл таудың басында,
Жөңкіліп бұлттар көшеді.
Бір кезде, бауырым, осында
Топан су болған деседі.
Алапат күштен, ағайын,
Қырылып кеткен адам көп.
Болмаған онда Абайың,
Болмаған онда Махамбет.
Болмаған онда Бейімбет,
Ілияс пенен Сәкен де.
Өмірге біраз кейін кеп,
Болмаған онда әкең де.
Топан су тынбай тулаған,
Қиялға бір сәт ерік бер:
Ол кезде әлі тумаған
Аманхан менен Серіктер...



Пікірлер (0)

Пікір қалдырыңыз

Ана тілім

  • 0
  • 0

Ана тілім – ананың ақ тілегі,
Бесік жырмен бөбектер шат күледі.
Дәмі мәңгі есінде қалып қояр,
Тал бесікте тілімен татты нені.

Толық

Он жыл бұрын көргенде

  • 0
  • 0

Он жыл бұрын көргенде,
Ор киіктің лағы ең.
Пендең болып мен демде,
Құшағыңа құлап ем.

Толық

Бұл өмірде көремін деп көп қызық

  • 0
  • 0

Бұл өмірде көремін деп көп қызық,
Алыппын ғой уақытты өткізіп.
Азды-көпті жазғаныммен тірлікте
Айта алдым ба ойларымды жеткізіп.

Толық

Қарап көріңіз