Мен жастарға сенемін – Зухра Тұрсынбай

Мағжан менен Міржақыптай ұлдарың,
Ойлап өткен, ел-жұртыңның біл қамын,
Ізгілікті ел алдында дәріптеп
Жырға қосқан құлап салып тыңдағын.

Даналық пен даралыққа ұмтылған,
Бұл қазақта батыр қыз бен ұл туған
Отанына тіреу бола алады,
Ел басына кездер болса күн туған.

Кәне елім қол қусырып тұрмағын
Сәбинадай волейболшы қыздарың
Бір мезетте айды аспанға шығарды,
Жарық жұлдыз Димашыңдай ұлдарың.

Нұр атамның нұрлы үмітін арқалап,
Жаңғыруын әр кез сайын қайталап
Іс жүзінде жүзеге де асырып,
Баста қане қолдау береді әр тарап.

Уақыт сені сынап жатса кетпегін,
Әлсіз тұсы сол болады кеткеннің,
Тек мықтылар құзыр шыңнан көрінеді
Көрсет кәне дәрежеңнің жеткенін.

Бұл жолдауым шырақ болсын ойыңа,
Дана Абайдың сөзі келді ойыма
Қайғы келсе қарсы тұр да құлама
Тағдыр сені сүріндісе мойыма.

Адалдықтың ақ жалауын қолға алып,
Өз алдына жеке дара жол салып,
Мәңгілік ел - мұратым деген жастарға
Демеу болып бір ауыздан қолдалық.

Қазағымның көк тіреген аспанын,
Кең даланың таулары мен тастарын,
Жүрегіне жалау қылып түйреген
Бағалайық еліміздің жастарын!