Мұсылман - періште емес!

Мұсылман  - періште емес,
Иманды жай адам.
Нәпсі мен шайтаны,
Күні-түн азғырған.
Сонда да жеңілмей,
Қаншасы келеді.
Иманның бал дәмін,
Олар шын сезеді.

Күнәлі істерге,
Қалса да бой ұрып.
Тәубесі оларды,
Қалдырмас қор қылып.
Намазхан болады,
Шын сабыр еткендер.
Олардың қатесін,
Кінәлап, термеңдер.

Шын мықты болсаңдар,
Иманға келіңдер!
Ең көркем үлгі мен,
Өнеге беріңдер.
Мұсылман болудың,
Нақтылап бір жолын.
Періште сипатты,
Пенде боп көріңдер?!

Сендерден содан соң,
Үлгі алып бар халық.
"Шын кемел тұлға" - деп,
Мақтасын тамсанып.
Ал біздер идеал,
Мұсылман емеспіз.
Елге емес, біз бәлкім..
Аллаһқа керекпіз!

Зікір мен шүкірі,
Рахманға ұнайтын.
Намазын қаза етпей,
Ораза ұстайтын.
Қатесі өте көп,
Тәубесін тастамас.
Намазхан жандармыз,
Кәпірлер ұнатпас!

18.11.2025

---