Өлең, жыр, ақындар

Мектепті алтын белгімен бітірушілер

  • 23.10.2019
  • 1
  • 0
  • 3998
Болашақ сендердікі, өрендерім,
Білімнің өтедіңдер төлемдерін.
Тердіңдер әр пәннің де жақұттарын,
Тұңғиық сүңгіп жүзіп тереңдерін.

Он бір жыл оқыдыңдар зеректікпен,
Биіктеп еңселерің ерен тіптен.
Он бір жыл сыналдыңдар талап жүктеп,
Дарынмен, талаппенен бөлек біткен.

Ата-ана абыройын сақтадыңдар,
Ұстаздар үмітін де ақтадыңдар.
Енді Отан мақтанына айналуға,
Ел-жұртқа деп тұрсыңдар бап табыңдар.

Сендерді қосады Отан жарыстарға,
Сөрені соза ұзартып алыстарға.
Болады Қазақстан Барыс-Отан,
Сүйеніп өздеріңдей арыстарға.

Болашақ сендердікі, өрендерім,
Мол әлі борыш, қарыз – берерлерің.
Әлемдік биіктерде қанат қағып,
Жүзіңдер теңіз-білім тереңдерін.

Сенемін, сенеді Отан, түлектерім,
Аллаһқа аян ашық тілектерің.
Қайда да ақ күн тусын алдарыңнан,
Жас қалпы мықты соқсын жүректерің.



Пікірлер (0)

Пікір қалдырыңыз

Ана жайлы елес шумақтар

  • 0
  • 1

Томпайып бейіт қалды белең қырда,
Мұра қып қолау құба көбеңді ұлға.
Білген жоқ бірақ ана сол ұлының,
Боларын құмар өрен өлең-жырға.

Толық

Уыз сүті қос анамның

  • 0
  • 3

Мешін жылы ақпандатқан,
Ақ түтекте туыппын.
Ақ құндақта сезе қоймай,
Не екенін де суықтың.

Толық

Үлкен Мұхтар

  • 1
  • 0

Деді әлде, демеді әлде еленейін,
Кернеді керім өнер өне бойын.
Еңсерді қой асықтай қолда ойнатып,
Азия, Европаның өрен ойын.

Толық

Қарап көріңіз