Теңер едім аналарды

Теңер едім аналарды
Тәуелсіздік күніне.
Теңер едім мен қыздарды
Жаңа жылдың түніне.

Тәуелсіздікті қадір тұтпай,
Жаңа жылды тойлайсың.
Өз анаңды місе тұтпай,
Өзге қызды ойлайсың.

Тәуелсіздікті еске алмай,
Шырша сәндеп зулайсың.
Қыздарыңды естен алмай,
Гүліңді алып тулайсың.

Азаттықты тойламайсың
Жаңа жылға асығып.
Жан анаңды ойламайсың,
Қызым бар деп тасынып.

Тәуелсіздік болмағанда,
Жаңа жыл да болмас ед.
Анаң сені тумағанда,
Бұл өмірде болмас ең.

* * *
Өзге қызға арнадым деп сөзімді,
Көп қарғаның арасында қаз болма!
Өз анаңа сыйламаған гүліңді,
Өзге қызға сыйладым деп мәз болма!

---