Салтанат Қарабай

Айтайын тілек

Бұл бетте «Айтайын тілек» атты Салтанат Қарабай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

karabaii_
23.11.2019
0
0
3268

Айтайын тілек, қосылып бірге
Жазылмасын еш жұбымыз,
Жүреміз тілеп, жануыңды тек
Сөнбесінші деп «Күніміз».

Айтайын тілек, ортаймасыншы
Жүзіңде жанған бақыт шам,
Бір-бірімізге болайық тірек
Сен болсаң біздің «Бағдаршам».

Айтайын тілек, арманға жетші
Ойлаған бала күніңнен,
Ата-анаңды да бақытты етші
Атаған «жүрек үні» деп.

Айтайын тілек, ешқашан тайма
Өмірде алған бетіңнен,
Қарсы тұрса да, қолданба айла
«Шындық» бол тастай бекінген.

Айтайын тілек, жадырай берші
Бұлбұлша сайра ән салып,
Қуаныш-дағы сенменен келсін
«Елшісі» болшы арнайы.

Ұмытпа әркез ақ тілектерді
Айтылған саған арналып,
Бағдаршам, күн де,
Шындық пен үн де,
Елші де өзің ардағым.

bilim2019 туған күнге тілек айтайын тілек... karabaii_ өлеңдері

Пікірлер (0)

Пікір қалдырыңыз

Жиі қойылатын сұрақтар