Ұстазым – Гүлнұр Жиенбаева

Ұстаз деген ардақты ат,ұлы есім
Жүрегімнің түкпірімен тілдестім
Сапар шегіп,білім-теңіз жолына
Ұстаз деген ұлы тұлғамен кездестім.
Жылы жүзбен,күліп тұрып қарсы алған
Білім үшін жан дүниесін жар салған
Ұстаз деген екінші ана адамда
Бар адамзат қасиетіне тамсанған.
Шырақ жағар,білім-нәрдің көзіне
Терең ойлы,мағына бар сөзінде
Жан дүниесін түсінер әр баланың
Өшпестей мұра қалар ізінде.
Ұстаз қалар,шәкіртінің озғанын
Қанат қағып,биік шыңға қонғанын
Ең бастысы бұл өмірде әр уақыт
Адал перзент,жақсы адам болғанын.
Ұстаздан шыққан ақын,батыр бәрі де
Құрметтейді жасы кіші,кәрі де
Жүректен орын алған адамзатты
Құрметтеймін,бас иемін сіздерге.