Адасқандарға (Абай ізімен) – Еркебұлан Серімханұлы

Өтірік,сұмдық,қулық,аштық,
Ібілістің туысы-жарамастық.
Мұның шегін білмесе,
Ол адамға бастық.
Жаймендеп жеп жапалақ,
Үлкен қастық жасалмақ.
Жапалағы-Жалқаулық,
Көзі бақыр арсыз-ақ.
Қалай күнін көре алмақ,
Екі жүзді жарамсақ.
Адалдықтан адасқан,
Ертеңі жоқ сұғанақ.
Күнә жиып бойына,
Ащы судан ұрттамақ.
Солай,солай рухани,
Адам,Адам құрттамақ.
Жаман,арам қасиет,
Адамзаттың бойында.
Болса егер біреуі,
Сілкіп таста ойыңнан.
Өтірік,өсек,мақтаныш,
Қылмас бізді азамат.
Білім-қуда,еңбек-қу,
Болма қыңыр,ақымақ.