Бақыт деген – Жамбыл Ахатов

Бақыт деген сенің арман қуғаның,
Сол арманға жетіп қарап тұрғаның.
Бақыт деген білімдерді меңгеріп,
Сол білімді ойға тоқып алғаның.

Бақыт деген шаттанғаның,күлгенің,
Бақыт деген аман-есен жүргенің.
Бақыт деген кей-кездері ыза боп,
Сол ызаны ақылменен жеңгенің.

Бақыт деген ең бастысы - Иманың,
Намаз оқып,сауап істі жиғаның.
Бақыт деген Құран оқып үйреніп,
Сол Құранға бар уақытты қиғаның.