Ұстазға арнау

Армысың елім , бейбітпен атқан әр таңы,
Ұстазым менің, қадірің аса бағалы .
Ақ жолға бастар осынау игі іс-шараны
Жүрекпен түсін ,халықтың бізде назары.

Ұстаздар ұлық, білімнің нәрін шашады ,
Шәкірті үшін отқа да түсе де алады .
Шамшырағын жағушы ұлы даламның,
Игі істерің жүректе мәңгі қалады.

Ұстаз , ол – Күн, көктен нұрын шашады,
Білімді ұрпақ өсіріп, бағып- қағады.
Ұстаз, ол- ерте Таңшолпан болып ататын,
Шәкірттеріне болашақ ақ жол салатын.

Ұстаз ,ол- мұхит ,шалқыған теңіз дария,
Қастерлер оны жас та, үлкен абыз қария.
Дамыл бір таппай, ізденіп мәңгі жүретін
Ғылымда ойы ,ұстазды сыйлап бағала .

Ұстазым диқан,тігінші,малшы,дәрігер,
Егінші, аспаз,косманавт,ғалым,кондитер
Барлық маманды дайындап елге беретін,
Ей, адамзат ,ұстазға төрден орын бер.

Жүрегі нәзік , балаларының бағбаны ,
Ұстазсыз өмір - сұрықсыз түнек ,қаһарлы .
Кесе өтпей жолын ізет қыл, тақтан таймайсың,
Көлеңкесінің өзі де аса бағалы .

Ұстазы менің,жарқырап шыққан жұлдызсың,
Қол жетпес жұлдыз ,жаныңда сенің құлпырдым .
Бастауындай мөлдіреп аққан бұлақтың
Кәусар суына шомылып әркез мен жүрмін.

Шыңдарға шықса жарқырап елдің баласы
Ең алғаш болып қуанар ұстаз қауымы.
Береке-бірлік ,ынтымақ тілеп жүретін ,
Ұстаздар - ұлы ,тұғыры биік нар тұлға .

Ұстазды сыйла ,қоғамның ұлы ұйытқысы ,
Шәкірті үшін еңбекпен өтер әр күні .
Шаршайды кейде майданнан қайтқан сарбаздай ,
Жұмысы қиын , инемен құдық қазғандай.

Жақсылықтың жаршысы болып бүгінгі ,
Қунаыш сыйлар жарысқа түстік көңілді .
Киелі мектеп айқара ашып есігін ,
Бағытқа салды , айқындап жарқын өмірді.

Сәті де жетті, ұлықтау ұлы ұстазды,
Ұстазсыз бар ма өмірдің нұры, ажары?!
Ұстазым менің екінші анам іспетті,
Ақкөңіл ана - мектептің дарқан базары.

Қазыналы Қазалы – менің мекенім ,
Тал шыбық едім , ұстазыммен көктедім.
Мың алғыс айтам, ұстазым менің мерейлі,
Бас иемін, барша ұстазым киелі!

---