Данабектің қылығы

Данабек те кешеден,
Шығарды сөз таласын.
Көрдім деді көшеден,
«Пойыздың мен баласын».
Адасқан-ау шамасы,
Көшеде ол жүр деді,
Суреті оның қарашы,
Кітапта да тұр деді.
Күлді мәз боп бәрі енді,
Қызық болды мұнысы.
Таппақ болып дәлелді,
Басталды тың жұмысы.
Парақтаумен тұр бетін,
Айналысып ісімен.
Трамвайдың суретін,
Тапты кітап ішінен.
Бар көргенін далада,
Шын қабылдап тұрады.
Ұқтырмаған балаға,
Үлкендер ғой кінәлі.

(балаларға арналған тақпақ)

---