Өлең, жыр, ақындар

Өзіммен-өзім болайын

  • 11.04.2022
  • 0
  • 0
  • 1443
Өзіммен-өзім болайын,
Өкпелеме, ағайын.
Жырымнан дәмді таттыңдар,
Шырқаған тойда талайың.
Қолымнан келсе, жыр бердім,
Құдайым өзің тіл бердің.
Алдарыңда, ағайын,
Алатаудай түргелдім.
Олай да бұлай жыр шаштым,
Ақтарылып сырлас күн.
Ойлайтыным жақсылық,
Өздеріңмен сыйласпын.
Бала да болдым алдыңда,
Дана да болдым алдыңда.
Таттым талай бақытты,
Баттым талай сан мұңға.
Соқтым өлең сарайын,
Шаштым шуақ арайын.
Өзіммен-өзім бола алсам,
Өзіммен-өзім болайын.
Ақтарылар пейіл көп,
Тұрғаным жоқ дейін деп.
Бақытты күндер қалды артта,
Қуаныштар да кейіндеп.
Мұңдасып қана өлеңмен,
Сырласып қана өлеңмен.
Өзіңмен-өзің болатын,
Бақытты іздеп келем мен!



Пікірлер (0)

Пікір қалдырыңыз

Ақын қазақ

  • 0
  • 0

Туған ел, барым осы,барды аяман,
Ақынды құрметтемес қандай адам.
Дәмін тат аз күн қонақ,о, жолаушым,
Жыр — қымыз, өлең – шұбат, жал-жаядан.

Толық

Талай ұрпақ шыңыңды бетке алады

  • 0
  • 0

Алатауым жамылды жасыл көктем,
Көктеміңе оранып ғасыр жеткен.
Ұлы Абайды толғаған Мұхаң бастап
Бетке алып ұлы шыңды Қасым кеткен.

Толық

Әлдилей бер, ән-өлең

  • 0
  • 0

Ән-өлең әлдиінде тербетілдім,
Арасында аспан көк, жер мен күннің.
Қасиетті киелі Қазағымды,
Еркелеп халқым-жұртым, Елден жүрмін.

Толық

Қарап көріңіз