Өлең, жыр, ақындар

Достық

  • 22.03.2020
  • 0
  • 1
  • 3693
Достық – биік жалауым,
Достық – берік қамалым.
Достық сезім жүректе,
Жағады өшпес алауын.
Достық – сенім, тірегім,
Достық – аппақ тілегім.
Достық жырын шаттанып,
Әнге қосып жүремін.
Достық – менің қорғаным,
Адастырмас орманым.
Достық – шындық, адалдық,
Түсінгенге зор мәнін.
Нақыл айтқан бабалар,
Шын достықты бағалар.
Достық деген ұлы ұғым,
Қадірлейік, балалар.
* * *
Достық деген немене,
Досқа адал сенімің.
Достық деген немене,
Досқа таза көңілің.
Достық деген немене,
Лайланбас айдының,
Достық деген немене,
Жаныңдағы айбының.
Достық деген немене,
Досқа айтатын жан сырың.
Достық деген немене,
Аласармас тау шыңың.
Достық деген немене,
Желбіреткен жалауың.
Достық деген немене,
Алынбайтын қамалың.
Достық деген немене,
Досың бірге қуанған.
Достық деген немене,
Досың сертте тұра алған.

(балаларға арналған тақпақ)



Пікірлер (1)

Нұрболат Серікұлы

Өз ұлтының тілінде еркін сөйлеп білмейтін, телефонқұлға айналған ұрпаққа керемет дүние екен.

Пікір қалдырыңыз

Әдептілік үлгісі

  • 0
  • 0

Өнегелі жол ұқсаң,
Әдебіңді дәлелдер.
Жасы үлкенге жолықсаң,
Бірінші боп сәлем бер!

Толық

Шекербек

  • 0
  • 0

Кіп-кішкентай Шекербек,
Кәмпитті көп сұрайды.
Дастарқанға жетектеп,
Тәтті бер деп жылайды.

Толық

Туысқандық атаулар

  • 0
  • 0

Бабам салған ізге ерген,
Салт бұзылмас ізгі елден.
Құда болар мың жылдық,
Қыз алысып, қыз берген.

Толық

Қарап көріңіз