Өлең, жыр, ақындар

Іздедім сені

  • 28.04.2020
  • 0
  • 0
  • 4561
Ұстатпай кеткен саусағын,
Сен менің тәтті түсім ең...
Іздедім сені қанша жыл
Қаптаған жұлдыз ішінен.

Қайтсем де саған жетем деп,
Жығылдым қанша орларға.
Алданып көңіл бекерге,
Адастым талай орманда.

Көрінген көзге елеңдеп,
Жаттым мен үнсіз жағада.
Тоқтамай өтті төбемнен
Теңізден ұшқан шағала.

Таппадым бірақ жоғымды
Талай жыл мені сарсылтқан...
Қандырдым кейде шөлімді
Қайдағы жылым-шалшықтан.

Ішінде қалдым жалынның
Денемді тасқын сел көміп,
Жанары талай арудың
Арбады мені сен болып.

Шақырып сиқыр қойнына
Сүйреді мені күңгірт бақ.
Кей күні балдың орнына
Уландым ессіз уды ұрттап...

Армансыз қудым, маралым,
Қайтпадым іздеп тапқанша...
Жанымда болсаң – жарадың
Жұлдызым көктен аққанша.



Пікірлер (0)

Пікір қалдырыңыз

Сағындым сені

  • 0
  • 0

Сағындым сені - Сағи Жиенбаев
Сағындым сені, жалғызым менің – жан анам,
Жаутаңдап ылғи жолыма күнде қараған.
Жадымда қазір өзіңнің қоңыр дауысың,

Толық

Апатайым – алтын айым

  • 0
  • 0

Апатайым – алтын айым
Қарғашымды тербетсін деп,
Сен айтпаған ән бар ма?
Сағи Жиенбаев

Толық

Есіңде бар ма?

  • 0
  • 0

Есіңде бар ма? - Сағи Жиенбаев
Жаз өтті талай,
Жайқалды нулар.
Арада жылжып

Толық

Қарап көріңіз