Өлең, жыр, ақындар

Бозторғай

  • 28.04.2020
  • 0
  • 0
  • 3285
Әдейі мынау қыр үшін
Оянып таңның алдында,
Даланың сансыз дыбысын
Көмейге құйып алдың ба?

Самалдың жұтып мөлдірін,
Шаншылып көкке шыққанда,
Далаңның мына кеңдігін
Айтасың ба ақша бұлттарға?

Қарайлап төмен сонда да,
Көзіңді жерден жазбайсың.
Өзің де кенет сорғалап,
Құйылып кете жаздайсың.

Тынбайды жырың толастап,
Осынша қайдан бітті күш,
Табиғат өзі о баста
Далама берген құтты құс?!

Жанымда бір күй дірілдеп,
Тұрдым-ау, балғын сезімде,
Кеудеме сіңген бір үнді
Қайталап айтқан кезіңде.

Төгілте шырқап әніңді,
Бозала таңнан құлшынып,
Кеттің-ау, қозғап қанымды,
Күнәсіз құйттай тіршілік!



Пікірлер (0)

Пікір қалдырыңыз

Кемпірқосақ

  • 0
  • 0

Көктемде Бұлттар асығып,
Селдетіп өте шығатын,
Артынан шайдай ашылып,
Дүние балқып тұратын.

Толық

Бота көзді көлдерім

  • 0
  • 0

Бота көзді көлдерім - Сағи Жиенбаев
Жас кеттім, мен өзіңнен жалғыз кеттім,
Жаныма жарық болар таңды іздеппін.
Құлшынып, қия белде қиял қуып,

Толық

Конькишілер маршы

  • 0
  • 0

Конькишілер маршы
Нұр ойнаған жанарында
Балғын жігіт, балғын қыздар –
Сағи Жиенбаев

Толық

Қарап көріңіз